المقلوب

المكونات:
400غ فارينة
كاس حليب دافي
2 مغارف كبار زيت
مغرفة صغيرة ملح
مغرفة صغيرة سكر
طريقة تحضير العجينة:
نعجنو المكونات الكل مع بعضهم بلقدا ونقسمو العجنة ل6 كعيبرات حجمهم متوسط ونخليوهم يرتاحو ساعة كاملة.
ونحضروالحشو وبالطبيعة كل واحد وشنوة يشتهي:
نقصو الدجاج لطروف صغار ونفوحوه بالزعتر والاكليل والملح والفلفل اكحل ونقليوه في الزيت وشوية ماء نحضرو شوية سلاطة مشوية وسلاطة خضراء وبصل ومعدنوس مقصوص جويد وهريسة ومايوناز وجبن موتزوريلا.
نحلو العجنة بالقلقال ونرشو عليها المزتريلا وشوية دجاج ملي حضرناه ونحطوها دريج في الفور.
نخرجوها ونكملو نحطو فيها المكونات الاخرين ونسكروها على بعضها وندخلوها اطيب في فور 180 درجة لمدة دريج تقريبا.
ويولي عنا المقلوب المحبوب دياري ويعمل 66 كيف.
وصحة وبالشفاء