الخبيزة

المكونات:
خبيزة
بصل اخضر
طماطم كعب
فلفل أحمر شايح
ثوم
كروية وتابل
ملح فلفل أكحل
طريقة التحضير:
انظفو الخبيزة مليح مليح ونغسلوها بلقدا ونقصوها جويدة ونستقطروها ...نملحوها ونحطو فيها طروف قارص من الفوق ونغطيوها ونخليوها تفور في الكسكاس تقريبا ساعة كاملة.
وانطيبولها الصالصة متاعها:
نقصوالبصل الأخضر جويد ونرحيو الثوم والطماطم والفلفل الأحمر الشايح ونقليو البصل في كاس زيت ونفوحوه بشوية ملح وفلفل اكحل وكركب ونصبو عليه الخليط اللي رحيناه ونزيدو نفوحوه بالتابل والكروية والهريسة العربي ونخليوها اطيب على نار هادية.
ومن بعد نصبو عليها الخبيزة ونحركوا على النار حتى لين الصوص والخبيزة يدخلو في بعضهم ومن بعد نطفيو على النار.
وناكلو الخبيزة وصحة وبالشفاء.