المطبقة

للعجينة نستحقو:
سميد ارطب وشوية ملح وماء نعجنوهم مليح حتى لين يدخلو في بعضهم والعجنة تتلم بلقدا..
نغطيوها ونخليوها ترتاح.
ونحضرولها الصوص متاعها:
نقصوا 55 روس بصل أحمر ولازم القصان يكون جويد ونفوحو بالتابل والكروية والملح والفلفل أكحل ومغرفة كبيرة فلفل أحمر حارومغرفة كبيرة طماطم حكة وثوم مرحي ونصبو عليهم شوية زيت ونقصو شوية شحم لازم يكون شحم متاع منديل ونفوحو بالتابل والكروية والملح والفلفل اكحل ونخليوها اطيب على النار من غير مانزيدوها ماءومانطيبوهاش بارشة على النار ونقصوا عليها فيسع ونزيدوها شوية معدنوس مقصوص جويد.
نرشو الفارينة على الرخامة ونبداو نحلو عليها كعبات المطبقة:
نحلو العجنة ونحطو فيها مغرفة صوص ونغطيوها بعجنة أخرى من الفوق ونطبعوها مليح على بعضها.
نسخنو الطاجن متاعنا ونطيبوها عليه من الجهتين .
وناكلو المطبقة البنينة وصحة وبالشفاء