Tiramisu sans œufs

المكونات:
langue de chat بسكوي
2 باكوات كرام شانتيي
حليب
حكة كرام فراش
Fromage à tartiner
2 مغارف كبار سكر
قهوة طايبة من غير سكر
2 باكوات كرام شانتيي بنكهة الشكلاطة
طريقة التحضير:
أول حاجة اركض الكرام شانتيي بالخلاط ونقص منها شوية حليب باش تجيك عاقدة وزيدها الكرام فراش والفرماج والسكر وعاود خلط ومن بعد اعمل نفس الطريقة مع الكرام شانتيي اللي بنكهة الشكلاطة وهكة يولي عندك خليط ابيض وخليط بني وعلى فكرة راك اتنجم تكتفي بالخليط الأول أكهو
طيب قهوة من غير سكر وغطس فيها البسكوي بالكعبة بالكعبة ورصفو في طبق خاص هذاكة اللي يتحل من الاجناب وصب فوقو فرشة من الخليط الأبيض وعاود غطيه بالبسكوي واعمل فرشة من الخليط الاخر وكرر نفس الحكاية ...وبيتها في الفرجدار وهكة تولي عندك خبزة كاملة تيراميسو بنينة تعمل كيف وصحة وبالشفاء.