• Music
  • مع
replay 11:22
تارت بالتفاح

المكونات:
250غ فارينة مغربلة
100غ زبدة
اصفر عظمة
رشة ملح
2مغارف كبار سكر
2 مغارف كبار حليب
طريقة تحضير العجنة ساهلة بارشة:
نخلطو الزبدة اللي تكون ذايبة بحرارة المكان مع الفارينة والملح واصفر العظمة والحليب ونلمو العجنة من غير مانعجنوها بارشة . نلفوها في ساشي ونحطوها في الفريجدار نصف ساعة.
ومن بعد نحلوها في طبق وانقبوها بالفرشيطة ونحطو الحشو اللي حضرناه بالطريقة هاذي:
نقشرو كعبات تفاح ونقصوهم طروف صغار ونخلطوهم بثلاثة عظمات وحكة حليب مركز وشوية سكر فانيليا نصبو الحشو على العجينة ونزيدو نزينوها بطروف تفاح مقصوصين.
ونحطوها في الفور على1700 درجة لمدة ربع ساعة.