• Big Show
  • مع كوثر بالحاج
onair 13:14
تشيزكايك بالفراز

المكونات:
250غ بسكوي
باكو سكر فانيليا
7 مغارف كبار زبدة زبدة مذوّبة
المكونات هاذي نحضرو بيها الطبقة اللوطانية متاع التشيز كايك بالطريقة هاذي:
ارحي البسكوي بلقدا وصب عليه الزبدة المذوبة حتى لين يتبل بلقداوافرشو مليح في القالب الخاص بالتشيز كايك وحضرلو الكرام متاعو:
نستحقو:
حكة حليب مركز
6 طوابع جبن مربعات
كعبة ياغرت طبيعي من غير سكر
8 مغارف حليب غبرة
خلط المكونات الكل في الخلاط وصب الكرام على الخليط متاع البسكوي والزبدة .
سخن الفور بالقدا وحط التشيز كايك على نار متوسطة ودوبما يشد روحو اطفي عليه.
اسنى حتى يبرد وحطو في الفريجدار وحضرلو صوص الفراز متاعو:
ارحي كعبات فراز مع شوية ماء وزوز مغارف سكر في الخلاط وطيب خليط الفراز على القاز كي الكريمة حتى لين يخثار وقبل ماتطفي عليه زيدو مغرفة كبيرة قليكوز تلقاوه في المغازات الكبرى باش يضيف اللمعة للكايك وكان ماعندكش موش مشكل.
استنى صوص الفراز حتى لين تبرد وصبها على الكايك ودخلها للفريجدار.
وهكة يولي عندك تشي زكايك بالفراز ابن ملي يتباع في السوق
وصحة وبالشفاء