facebook
  • Music
  • مع
replay 08:45
خبزة قاطو
خبزة  قاطو

المكونــــــــات:
6 عظمات
كاس سكر
مغرفة و نصف عصير ليمون
3 مغارف كبار ماء
مغرفة صغيرة سكر فانيليا
نصف مغرفة صغيرة ملح
كاس فارينة مغربلة + مغرفة نشاء (نخلطوهم مع بعضهم)
للزينـــــة:
شكلاطة مذوبة في حمّام مائي + فاكية + كرام شانتيي
طريقــــــة التحضيـــــــــر:
أول حاجة، نفصلو أصفر العظم على الأبيض كليا، و من المستحسن يكون العظم يكون بارد.
في صحفة نصبو أصفر العظم و نصف كمية السكر و نزيدو عليه السكر فانيليا و الماء و نضربوه بالخلاط الكهربائي.
في صحفة أخرى نخلطو أبيض العظم مع الملح و عصير الليمون حتى لين تولي عندنا رغوة. و نبداو نزيدو بقية السكر بالشوية بالشوية و نخلطوه مليح لمدة درج تقريبا, توة نزيدو الفارينة لخليط أصفر العظم و نزيدو عليه خليط ابيض العظم و نحركو بالشوية بالشوية باش الرغوة ما ترخّش.
توة نفرشو الـ papier cuisson في الطبق و من بعد نصبو الخليط و نحطوه في الفور على 180 درجة لمدة ثلث ساعة و ما لازمش نحلو الفور باش ما ترخّش؟
من بعد نستناوها لين تبرد و نقصوها على طبقتين أو 3 كيف ما تحبوا.. و نزينو ما بين الطبقات بالطريقة اللي نحبوها،(مرة بالشكلاطة و مرة بالكرام شانتيي و من فوقهم شوية فاكية).
و من فوق ندهنوها بالشكلاطة و إذا تحبوا من فوق زيدزها فاكية و إلا الغلّة اللي تحبّوا عليها.
و هكا تولي عندكم خبزة قاطو دياري. و كل عام و انتم حيين بألف خير