• Music
  • مع
replay 04:56
دجاجة مصلية ومحشية بطريقة موش عادية

نشريو دجاجة كاملة ونقولو للدجاج باش يفصللنا اللحم على الجلدة ولازم يحافظ على الجلدة كاملة.
نخليو الماء يغلي على القاز ونعصرو فيه شطر قارصة ومغرفة كبيرة زيت ونصف رطل جلبانة وشوية ملح وفلفل أكحل وكركب ونحطو اللحم في وسطو ونخليه يطيب.
نسمطو 6 عظمات ونستقطروالجلبانة والدجاج ونستحفظو على الماء متاعهم ونعملو بيه شربة.
نقصو اللحم جويد ونرحيوه ونفوحوه بالملح والفلفل اكحل والكركب والجبن المرحي ونخلطوه بعظمتين نيين ونزيدوه الجلبانة.
نفوحو جلدة الدجاجة من داخل ومن بره بالافاح متاع الدجاج المصلي اكليل وزعتر وقارص وبالطبيعة ملح وفلفل اكحل وكركب ونعبيوها بالحشو اللي حضرناه وكيف نوصلو لنصف الكمية نحطو فيها كعبات العظم المسموطين كاملين ونكملو نرصوها بباقي الحشو ونخيطوها من لوطة.
ندهنو الطبق بالزيت ونحطوها في وسطو ونغطيوهاونخليوها اطيب ساعة كاملة على فور 2000 درجة وقبل مانقصو عليها انعريوها ونخليوها اطيب من الفوق باش تتجمر وتحمار.
ونقصو الدجاجة متاعنا اللي منظرها يشهي وناكلوها مع الشربة
وصحة وبالشفاء