• صباح البركة
  • مع مروة
replay 08:02
دياري Fromage

المكونات:
2 لترات حليب كامل الدسم
نصف كاس خل أبيض
مغرفة صغيرة كاربوناتو
نصف مغرفة صغيرة ملح
مغرفة قهوة زبدة
طريقة التحضير أسهل منها مافماش:
خلي الحليب على النار وكيف يجي باش يغلي اطفي عليه وصب فيه الخل الأبيض وخلط.
غطيه وخليه يرتاح درجين ومن بعد صفّيه وخليه يستقطر مليح.
فرغ الجبن اللي تحصلت عليه في طنجرة أخرى وزيدو الملح والكاربوناتو والزبدة وخليه على نار هادية واقعد حرك حتى لين يدخل في بعضو ويخثار.
دوبما اطفي عليه النار صبو في صحفة بلاّر بغطاها واستناه حتى يبرد وحطو في الفريجدار 4 سوايع.
وهكة يولي عندك جبن دياري يعمل 66 كيف اتجم تستعملوا في فطور الصباح والا في الطواجن.
وصحة وبالشفاء.