facebook
  • Music
  • مع
replay 08:32
طاجين ملسوقة
طاجين ملسوقة

المكــونـــــــات:
10 ورقات ملسوقة
صدر دجاج مقصوص مكعبات صغار
160غ جبن مبشور
طوابع جبن
8 عظمات
شوية زبدة
معدنوس مقصوص جويد
بصلة مقصوصة جويدة
مغرفتين كبار crème fresh
3 مغارف كبار زيت نباتي
شوية ملح + فلفل أكحل + كركم
طريـــــقـــة التــــحضيــــــر:
نحطو الدجاج يتقلّى في الزيت و نفوحوه بالافاحات متاعنا. نستناوه لين يبرد و نزيدوه المعدنوس. نقصو طوابع_ الجبن مربعات صغار، و نزيدوهم للخليط مع الكرام فراش. في صحفة أخرى نخلطو العظم وحدو مع رشة فلفل أكحل و نصبوه على الخليط و في الأخير و نصبو الجبن المبشور. توة ندهنو أوراق الملسوقة بالزبدة المذوّبة و ندهنو زادا الطبق بالزبدة.
نفرشو أوراق الملصوقة في الطبق، نحطو شطر الورقة في الطبق و الشطر الآخر البرا باش نغلفو بيه الخليط من فوق. نصبو الخليط في الوسط و نستويوه و من بعد نغلفوه الكل بالملصوقة .
ندهنو الملصوقة من فوق بالزبدة و بشوية أصفر عظمة مع شوية حليب و نحطوه في الفور على 180 درجة لمدة نصف ساعة. نخرجوه، نخليوه يبرد و نقصو و ناكلو و صحة و بالشفاء ليكم