• صباح البركة
  • مع مروة
replay 08:04
كيكة بكريمة القارص

المكونات:
4 كعبات عظم
سكر غ120
120غ فرينة مغربلة
شوية ملح
2 باكوات خميرة قاطو
2 باكوات سكر فانيليا
طريقة التحضير:
في صحفة غارقة حط العظم والسكر والسكر فانيليا ورشة ملح واضربهم بالخلاط لمدة درجين وزيدهم الفارينة المغربلة والخميرة وحرك بالشوية بالشوية باش الخليط مايرخش ومن بعد ادهن الطبق بالزبدة والفارينة ودخلها للفور على
160درجة.
كيف اطيب استناها لين تبرد واقسمها على ثلاثة طبقات واسقيها بشحور خفيف تكون محضرتو من الأول.
وحضر كريمة القارص ونستحقوا باش نعملوها:
100 غ سكر محور
عصير كعبتين قارص كبار
50 غ زبدة
كعبتين عظم
قشور القارص
طريقة التحضير:
خلط المكونات الكل مع بعضهم وخليهم في كاسرونة على نار هادية
واقعد حرك حتى لين تخثار.
زين الطبقات متاع القاطو بكريمة القارص وبالكرام شانتيي
ورش بين الطبقات اللوز والفاكية اللي تحب عليها.
دخلها للفريجدار ومن بعد قص وكول وصحة وبالشفاء.