• Music
  • مع
replay 02:44
طاجين original من الأندلس

للعجينة نستحقو:
250غ فارينة مغربلة
نصف لتر حليب
مغرفة صغيرة خميرة
30غ زبدة
3عظمات
رشة ملح
طريقة التحضير:
نخلطو المكونات الكل مع بعضهم مليح مليح ونقسمو العجينة على اثنين ونخليوها ترتاح.
نحضرو الحشو ونستحقو:
200غ سبناخ
250غ لحم مفروم
300غ ريقوتة
بصلة مقصوصة جويدة
2 مغارف كبار زيت
شوية ملح وفلفل اكحل وكركب
طريقة تحضير الطاجين ساهلة بارشة:
اغسل السبناخ وقصو جويد وخليه يستقطر واعجنو مع النصف الأول متاع العجينة حتى لين يولي لون العجينة اخضر.
نسخن القلاية على النار وندنها بشوية زيت.
نقسم العجنة البيضاء والعجنة الخضراء لعكابر صغار نحلهم بالكعبة بالكعبة ونطيبهم على القلاية من الجهتين.
نسخن قلاية أخرى ونقلي فيها اللحم المفروم بشوية زيت وبصل ونفوح بالافاحات اللي قلنا عليهم.
نستنى الخليط حتى يبرد ونخلطو باصفر العظم ونخلط ابيض العظم بالريقوتة.
ندهن الطبق بالزبدة ونفرش فيه أوراق العجنة البيضاء اللي طيبتهم ونصب نصف كمية الخليط ومن بعد نفرش أوراق العجنة الخضراء ونصب بقية الخليط ونعمل فرشة ريقوتة من الفوق.
نحط الطاجين في فور 180 درجة لمدة ربع ساعة ووقتها يولي عندك طاجين جديد وبنين.
وصحة وبالشفاء