• صباح البركة
  • مع مروة
replay 08:03
مقرونة باشامال 'Farcie' بالدجاج والجبن

المكونات:
بصلة مقصوصة جويدة
رطل مقرونة سباقتي
دجاج
كعبات طماطم
ملح وفلفل اكحل
لتحضير الباشمال نستحقو:
100غ زبدة
100غ فارينة
باكو حليب
Fromage râpé
تحضير الباشمال ساهل بارشة: نذبو الزبدة على نار هادية ونزيدوها الفارينة ونحركوبلقدا ونعملو رشة ملح وفلفل اكحل ونزيدو الحليب بالشوية بالشوية حتى لين تولي كي الكريمة ونرشو عليها الجبن ونطفيو عليها النار.
غلي الدجاج مليح وقصو لطروف صغار وفوحو بشوية فلفل اكحل وملح وغلي المقرونة وصفيها وحط عليها الدجاج والبصل الجويد وصوص الطماطم وتحضيرها شي مافيه : قشر الطماطم وقليها في شوية زيت وفوحها بالملح والفلفل اكحل والاكليل والزعتر.. زيد للمقرونة نصف كمية الباشمال وخلط.
ادهن طبق الفور بالزبدة وصب فيه الخليط ومن بعد صب من الفوق بقية الباشمال.
شخن الفور على 200درجة وخليه يطيب تقريبا ربع ساعة.
استناه يبرد شوية وكول صحة وبالشفاء.