• Music
  • مع
replay 11:39
Crêpe Salé au Fromage

يطيب في الفور
المكونات:

لتحضير اوراق الكراب نستحقوا:
كاس فارينة مغربلة
2 عظمات
2 كيسان حليب
مغرفة كبيرة زبدة
شوية ملح وفلفل اكحل وزعتر
للحشو نستحقوا:
مغرفة كبيرة زبدة
مغرفة كبيرة فارينة
كاس حليب
125غ fromage à tartiner والا طوابع
100 غ fromage râpe
شوية بصل مقصوص جويد
شوية ثوم مرحي
شوية ملح وفلفل اكحل
طريقة التحضير:
في صحفة غارقة نحطوا الفارينة والعظم والفلفل الاكحل والملح والزعتر ونصبوا عليهم نصف كاس حليب ونبداو نخلطو حتى لين نحلو الفارينة بلقدا ونزيدو بقية ال quantité متاع الحليب ونحركوا ونزيدو الزبدة المذوبة ونخلطوا العجينة.
نغطيوها ونحطوها في الفريجدار نصف ساعة ونحضروا الحشو متاعنا :
نحطوالقلاية على النار ونصبو فيها الزبدة ونذوبوها ونزيدو عليها الفارينة ونخلطو مليح مليح نزيدو كاس الحليب ونحركو على النار حتى لين يخثار ونزيد البصل والثوم والافاحات الكل ونطيبوه على النار ومن بعد نطفيو عليه ونزيدوه الfromage râpé والجبن طوابع وال fromage à tartiner.
نسخنوالقلاية ولازمها تكون من النوع اللي مايلصقش ونطيبوا اوراق الكراب متاعنا. نحلو الخليط في وسط كل كعبة كراب ونسكروها مليح .
ندهنو طبق الفور بالزبدة ونرصفوا فيه كعبات الكراب بجنب بعضهم ونرشو عليهم fromage râpé وندخلو الطبق في فور 180 درجة لمدة درجين.
وتوه ولى عندك كراب ساهل وبنين وصحة وبالشفاء