• Music
  • مع
replay 05:01
Gâteau roulé

المكونات:
5 عظمات
5 مغارف سكر
باكو سكر فانيليا
باكو خميرة خبز
5مغارف فارينة مغربلة
طريقة تحضير عجينة القاطو:
في صحفة غارقة اركض ابيض العظم مع قرصة ملح حتى لين يولي كيفما الرغوة.
وفي صحفة أخرى اركض اصفر العظم مع السكر والسكر فانيليا وزيد الفارينة بالشوية بالشوية وزيد الخليط الأول متاع ابيض العظم وحرك بالشوية وبطريقة عمودية باش الخليط مايرخش.
في طبق الفور وصب فيه الخليط وخليه papier cuisson ومن بعد افرش
يطيب درجين على فور180 درجة.
ومن بعد لف العجينة كيفما الرولو في منديلة مندية وخليها تبرد .
وحضر كريمة الزبدة:
اركض 200غ زبدة تكون ذايبة بحرارة المكان مع 100غ سكر محور وشوية سكر فانيليا وزيد عليها 50غ شكلاطة مذوبة وخلط.
اركض باكو كرام شانتيي وخلط الخليط الكل مع بعضو وطيب قهوة خفيفة بشوية سكر ورشها على العجينة باش تتبل وماتجيش يابسة.
حل العجينة وادهنها بكريمة الزبدة اللي حضرتها ورش شوية فاكية وروليها بلقدا وخليها تبرد في الفريجدار ومن بعد خرجها وصب عليها خليط شكلاطة متكون من شكلاطة مذوبة زيد عليها زوز مغارف كبار كرام فراش ومغرفة صغيرة زبدة.
ادهن القاطو بالخليط حتى لين يولي لكلو مغلف بالشكلاطة واستناها حتى تيبس شوية وقص القاطو.
وصحة وبالشفاء.